Tekstbase - kontekst
Du er på side 146 af 152 sider (Side I3v i forlægget)
Document Buttons
Ferrier, et toto deducere carmina cœlo
Vocibus, ac tenues implere sonantibus auras:
Audit humus, et pulsa refert ad sidera plausum.
Quare age concipias animo Melibœe sereno
Optima, iam deinceps turbatis hostia fibris
Nulla cadet, læti uenient ad aratra iuuenci,
Telluremqué agitent facilem, sulcisqué recondant.
Omnia terra ferat culturæ obnoxia nostræ,
Florentesqué hederas, uiridesqué cacumine Lauros,
Et Casiam gratasqué rosas, calamumqué fragrantem,
Et populi studijs passim nascatur Amomum.
Denique propitijs ineat cœlestibus illud
Munus, et haud dubios condat sibi Faustus honores.
Commissumqué regat patrijs uirtutibus orbem.
Integer expediat quæcunqué negocia, nullo
Concidat affectu: miti Deus omine uultus
Proferat afflictis, nec acerbis cladibus actos
Terreat, et duro maculet solatia dicto.
"Principis à uultu tristem discedere nullum
"Fas statuat, nisi quem fortassè proteruia tristem
Flagitia, et meritis timidum fecere periclis.
Interea ditescat ager, Cererisqué beatæ
Fructibus exundent campi, gratumqué legumen
Ac segetes cumulent: iterumqué iterumqué benigno
