Tekstbase - kontekst

CVM POST LONGAM et eandem difficillimam, licet virtutis nomine periucundam, quam meliorum studiorum causa per Germaniam et Galliam suscepisti peregrinationem, tu mihi tandem Domine Iohannes Francisce, oblatus in Gezoræa regione Falstrica, apud nobilem virum Claudium Vitfeldium, qui nos tunc temporis ad cœnam humaniter vocauit, mecum familiariter ageres: Videbamur nouis confabulationibus, quid enim impedit quo minus apud Poëtam Poëtico vocabulo vtar? et iucundis collocutionibus nostram in exteris regnis contractam amicitiam quodammodo renouare. Et quanquam ea quæ nos in longinquis oris, partibusque terrarum, piæ necessitudinis copulatio per Musas tanquam æterno fœdere coagmentauit, tàm arcta est, tamque constricta, vt vel ab ipso Momo reprehensionem, seu potiùs