Tekstbase - kontekst

Deus adjuuet per hoc sanctum Euangelium.

Et hoc dicens tangit librum noui testamenti.

Lecta Epistola in Missa aliquis praedicator vel Praepositus conscenso suggestu, dicit populo: N. esse electum in Superattendentem pium virum, industrium, modestum, doctum etc. Ideo se admonere, vt orent pro eo et verbi ministerio: Pater noster etc.

Mox canitur Veni sancte etc. Interim ingreditur populus ad chorum vel prope vt licet. Ordinator autem proprius accedens ad populum vt possit exaudiri, indutus superpelliceo et Cappa chorali, vt vocant, cum ordinando induto superpelliceo et aliis presbyteris superpelliceo indutis qui adesse possunt, jubet primum orari Pater noster vt adsit deus huic negotio. Mox surgens et stans commendat breuibus ministerium verbi sanctissimum, vtilissimum, necessarium etc. Magno preconio spiritus sanctus in Paulo laudat hoc ministerium Ecclesiae a Christo glorificato datum dicens: Ascendens Christus in altum, Dedit hominibus dona, quosdam apostolos alios euangelistas etc. ita vt si huc respicias, merito inter festa Christi nobis festum Pentecostes debeat esse maximum. Nascitur quidem Christus, patitur et resurgit, sed quid mundo prodesset iste thezaurus, nisi in festo Pentecostes et postea vsque ad finem mundi praedicatores et doctores verbi faceret, qui thezaurum mundo per verbum distribuerent, de quibus ait: Qui vos audit etc. Igitur pro hac dioecesi electus est hic N. vir bonus, pius etc.

Inde canitur Psalmus Domine dominus noster etc., ex quo mox vnum et alterum versum ordinator interpretatur de Christi praedicatoribus et regno Christi breuissime. Debet enim ordinator cauere ne prolixitate taedio afficiatur populus et contemnat hoc negotium.

Mox legit Superintendenti officia ipsius ex ordinatione, maxime ex capite de victu et salario Superintendentum, vbi sic scribitur: Quia superintendentes qui veri sunt Ecclesiarum Episcopi vel Archiepiscopi jam non vocantur ad etc. vsque Quia igitur etc. Et postea mandat ei vt syncere doceat Euangelium, id est remissionem peccatorum et