Tekstbase - kontekst

salutaria consilia inspiraverit, et interea Serenissimum Electum Regem nostrum, ad quem coronandum, nobilissima sua præsentia, hac jucundissima et fausta luce convenerunt omnes Ordines, sub tegumento manus suæ protexerit, spiritu principali donaverit et gubernaverit, mentem ejus, pietate, sapientia et vera virtute instruxerit, ac donis suis ita ornaverit; ut hodierna die non modo paratus, sed omnibus ornamentis Regiis præparatus, dignus et idoneus inveniatur, cui horum Regnorum gubernatio, Christo fortunante, tuto demandetur et concredatur.

Hæc et alia inenarrabilia omnipotentiæ Dei opera et illustria præsentiæ ac bonitatis ejus erga hanc gentem nostram testimonia, mente agnoscimus, et voce deprædicemus gratissima: Eundemque Deum <5> patrem Domini nostri Iesu Christi, intimis præcordiis suppliciter rogamus, ut immensum hoc bonum quo nos modo beavit, diuturnum nobis et perpetuum esse velit, et ante omnia deinceps lucem doctrinæ suæ coelestis inter nos accensam fovere et conservare dignetur, ut semper sint et maneant in his locis, aliqui coetus, depositum verbi et sacramentorum in adventum filii ejus fideliter custodientes, et nomen ejus puris cordibus celebrantes. Dignetur etiam sanctissima ejus Majestas, huic augustissimæ coronationi, sua divina præsentia adesse, ac Serenissimum Regem nostrum misericordia et miserationibus coronare, læta et salutaria ipsi (Regia corona redimito) gubernationis auspicia, felices successus et progressus, prosperitatem, spiritum fortitudinis, intelligentiæ, constantiæ, et omnium virtutum heroicarum, incrementum benigne largiri. Diuturno quoque ipsum animi corporisque vigore, alacritate et felicitate exornatum confirmare: mittat ipsi assestricem sapientiam suarum sedium de <6> sede magnitudinis suæ, ut cum ipso sit, et cum ipso laboret, quo omnia ejus consilia, conatus et actiones ad divini nominis gloriam, Ecclesiæ tranquillitatem, Reipublicæ salutem et imperii Danici amplificationem dirigantur perpetuo. Illustrissimos quoque hosce Principes et Dominos meos Clementissimos, qui Regii honoris et publicæ hujus solennitatis causa ad nos singulari amore et benevolentia erga gentem nostram exstimulati, e longinquis advenere locis, salvos et florentes conservare, omne infortunium animæ et corporis ab illis amoliri, et in vera concordia, sancta animorum conjunctione, piaque hilaritate custodire dignetur: Ac tandem rebus bene feliciterque