Tekstbase - kontekst
Du er på side 14 af 152 sider (Side A1v i forlægget)
Document Buttons
Ac rigidos tremulo splendescere lumine montes
Vidit, et excelsas motare cacumina quercus:
Respexit, Phœbumqué suo iam lumine, cernit
Spargere nutantes, permixtis flatibus, ignes:
Attollensque manus: Quid nunc, ait amplius optem
O Sol, qui faciles in uerba precantia uultus
Præstiteris, miserosque leuas mortalibus annos,
Pressaqué solaris nitido præcordia fructu:
Quàm tua sedata suboriri corpora luce
Ventorumque inhibere faces longosque labores
Nunc quibus algentes infestant uiribus undas
Peruolitantqué solo, nemorumqué cacumina lambunt:
Quæ dare si nostris dignere precatibus, agnum
Iam capias, patrio quæ concidet hostia ritu.
Dixerat, et toto non tantùm albescere cœlo
Corpora prospexit, densis caput obruta nimbis
Quæ prius occulerant, medijsqué tumultibus hærent:
Æolios etiam fratres et flamina, uastis
Quæ fera comprensum pertentant uiribus orbem
Conturbantqué solum, atque imò freta cærula fundo
Excutiunt, fluuiosqué minis petulantibus urgent:
Concessisse uidet, notosqué petisse penates:
Rex ubi luctantes uel stringit carcere uentos,
Vel Diuûm monitis impellit, et aëra miscet:
