Tekstbase - kontekst
Du er på side 149 af 152 sider (Side I5r i forlægget)
Document Buttons
Verùm quæ pridem dilapsa est turba, Gradiui
Quassa malis uariasqué uices dirasqué ruinas
Postquam passa siet, spes est hoc posse uel actam
Fædere, et antiquos iterum remeare penates:
Et iuga prisca boues, stabula ad consueta reduci.
Sic iuncto tandem grege Faustus ouilia solus
Tota regat, molliqué fouebit pace colonos,
Et patriæ extincto feret ocia longa tumultu:
Diuorumqué aras rabida tueatur ab ira
Cyclopum furias contra fremitusqué Gygantum,
Et regat æternis pacatum legibus orbem.
(Me.)
Huc huc Pierides, pulcerrima ferte Coronam
Premia, Phæbeis ornatam frondibus, atque hæc
Florentes Lauro circumdate tempora Musæ.
O utinam mihi uel secli durissima nostri
Conditio: aut quondam pastoribus æqua uirisqué
Numina, quæ pingui cumulabant pascua succo,
Prompta facultatem facerent: licet ilia Codro
Rupta forent, odijsqué agitaret Lumbricus astra,
Cœlitibus grauis et totum execratus olympum,
Vatibus asscripto stares, quo maxima magnis
Ingenijs decreta loco sunt præmia. Sed nos
Hæs frustra uotis optamus: ut ardua surdis
Fabula narratur? solum nisi cognita Faustum
