Tekstbase - kontekst
Du er på side 8 af 29 sider (Side A5r i forlægget)
Document Buttons
AD Dominum IOHannem FRANCISCVM R.
Per nemus Aonidum, fœcundaque rura Mineruæ
Nuper vt efferrem, sole nitente, pedes:
Mirarerque tuas, Tegeæe diserte, volucres,
Quas et apes pascit flore Thalia nouo:
Hanc faciem, dixi, præbet Flintingica sylua,
Et decorat ter tres quæ, Torouilla, Deas:
Tàm simili gaudet veneranda Lolandia cantu,
Nostraque tàm dulci pectora melle madent.
Me benè felicem quem detinet illa voluptas:
Commoda crediderim tanta decere Iouem.
Gratia, Christe, tibi qui talia munera donas,
Donas et studijs ocia grata pijs.
A strepitu vano liber, nocuoque tumultu,
Partibus indico, quæ peragenda, meis.
Retibus eductis nunc pisces capto salaces:
Nunc mihi dulcisonas fistula fallit aues.
Corpus et interdum molli perstringo palæstra:
Interdum Latia carmina tento lyra.
Sæpeque cum ocijs cœno, bibo, canto, iocorque,
Et linguæ nugas liberioris amo.
Sæpè cano Regem, patriam, sociosque Deumque,
Et tribuo Nymphis nomina clara meis.
Me genius quòd si curis grauioribus vrget,
Protinus [< Prontinus] exhilarat me mea Volphiola:
Qua neque Panthenis neque culta Theophila maior
Extitit ingenio, pectore, voce, fide:
