Tekstbase - kontekst
Du er på side 143 af 152 sider (Side I2r i forlægget)
Document Buttons
Eximijs rubicunda notis oculosqué serenat:
Sic ætas Fausto, sic uultus et ora manusqué
Imperijqué aditus, ueteriqué ex hoste Triumphus:
Omnia prima uirent: uix quinque recentia condunt
Lustra dies, nobisqué animum pastoribus addunt,
Posse aliquando dijs authoribus omnia prisco
Restitui collapsa loco, ueteresqué ruinas
Imperio refici, dilapsáque rura reduci.
Interea agricolæ uotisque animóque sequamur
Ardua scandentem ueteri fastigia ritu,
Et Fausto quæ læta ac orbi commoda nostro,
Quæque greges patria cumulent pietate, precemur.
Postquam etenim cœlo uisum est magnoqué Tonanti,
Aurea simplicibus tandem reditura colonis
Secula, et in nostros ea condere fata Nepotes:
Principiò cœlos animis studioqué Tonantem
Complecti decet, ac Pacem deposcere diuos:
Supplice mox sacrata manu dare thura, molaué
Imbuere accensas onerarequé fructibus aras,
Et pastorales geminare in sidera questus:
Vt uotis animisqué pijs precibusqué secundis,
Perculso tristes ferimus quas ore coloni,
Cœlica placatis intendat honoribus aula:
Et faustam Fausto contingere posse Coronam
