Tekstbase - kontekst
Du er på side 49 af 56 sider (Side 142 i forlægget)
Document Buttons
vitam aeternam in Christo Jesu filio dei solum. Item de Charitate, Cruce, Poenitentia, magistratu, obedientia et verbo dei. Idem de sacramentis ex Christi institutione non aluid aut aliter. Promittis?
Respondet: Promitto.
Ordinator addit: Da dexteram.
Et ille dat.
Sequitur statim psalmus qui canitur: Ecce nunc benedicite domino etc.
Post psalmum dicit ordinator: Vobis pastoribus canitur hic psalmus, vt leuetis manus id est oretis, et benedicatis domino id est praedicetis benedictionem in semine Abrahae Christo etc. etiam noctu non solum in die, id est assidue et cum summa diligentia ita contra regnum Satanae agentes.
Et pergat sic dicens: Hactenus cecinimus sacra cantica et psalmos commendantes officium verbi, nunc de eodem audiamus et sacras lectiones.
Hic aliquis ex presbyteris recitet lectionem: Sic dicit Paulus Episcopo Tit. 1: Hujus rei gratia reliqui te etc. vsque ad finem capitis.
Secundus presbyter statim recitet lectionem alteram: Actorum 20. Paulus vale dicens presbyteris Ephesiorum dicit: Nunc ecce ego scio quod post hac non etc. vsque ad finem capitis.
Tertius presbyter mox subiungat tertiam lectionem: 2. Timo. 3 dicit Paulus ad praedicatorem: Obtestor etc. vsque Nam ipse jam immolor etc.
Post has lectiones ordinator dicit: Haec omnia admonent officii sui praedicatores, et simul declarant quam placeat deo hoc officium et necessarium sit Ecclesiae. Nam per praedicatorem suum Christus ipse praedicat, baptizat, dat Sacramentum, arguit, exhortatur, consolatur, quae maxima est nostri consolatio in isto ingrato et contemptore mundo etc.
Pergit vero sic dicens: Post haec omnia scire debetis omnes, quod haec ordinatio sanctificatur per haec duo, nempe per verbum et orationem, vt et quelibet creatura ad vsum et ministerium nostrum, id quod Paulus sic dicit: Omnis creatura dei bona est ad vtendum cum gratiarum actione fidelibus et qui nouerunt veritatem. Sanctificatur enim per verbum et orationem. Haec Paulus.
Verbum quo nobis commendatur et sanctificatur hoc ministerium Apostolicum audistis, tam etsi praeterea multa alia scripta sunt. Nunc
