Tekstbase - kontekst

Secundo paedagogus: Hi sunt articuli fidei nostrae. Post pueri vicissim: Credo in deum etc.

Tertio paedagogus: Haec est oratio dominica. Pueri vicissim: Pater noster etc.

Quarto paedagogus: Haec est commendatio sacramenti Baptismi qua mandauit Christus, vt in ipsum baptizemur dicens. Et pueri per vices: Ite in vniuersum mundum etc.

Quinto paedagogus: Haec est promissio, vsus et donatio clauium ecclesiae. Et pueri per vices: Ait Jesus: Tu es Petrus et super hanc petram etc.

Sexto paedagogus: Haec est institutio Sacramenti corporis et sanguinis domini nostri Jesu christi. Et pueri Dominus noster Jesus Christus etc.

A Catechismo pueri, si ita placet, Lectiones legant. A lectionibus canatur responsorium. Et pueri versum canant cum gloria patri. Post: Te deum laudamus, cum solito fine.

In vesperis dominicarum et festorum vt in vigiliarum vesperis omnia peragantur. Sed si longius protrahatur canendi ceremonia, quam expediat praedicationi. Poterit pastor loci cum ludimagistro agere vt quaedam intermittat.

Porro in cathedralibus ecclesiis et coenobiis omnia ad eundem modum seruari volumus et praecipimus, quantum attinet ad diuina officia. Neque horas canonicas legant nisi de tempore. Et caueant omnium diligentissime ne quid canant contrarium sacris literis. Hic autem Episcopus siue superintendens diligenter obseruet ne quid in cathedralibus ecclesiis diuersum fiat siue etiam in coenobiis. Curabimus vt ordo septem horarum eis ex sacra scriptura praescribatur et in fine hujus ordinationis adjiciatur, vt in bibliis ex verbo dei exerceantur.

Priuatae enim in totum abrogentur, et vna tantum publica pro communicantibus seruetur. Est enim Missa nihil aliud quam vsus coenae domini ad consolandum infirmas conscientias et mortem domini annunciandum.

Publica missa in die dominico, vna pro communicantibus in solitis vestibus, altari instrato, cum consuetis vasis et luminibus celebretur.

Canonici, qui parochiam annexam non habent, Missam vnam dominicalem latine celebrare poterunt, dummodo adsint communicantes, Canonem volumus omnino vt omit tant. Et vt mortem domini